Røversommer

Bli med inn i eit spanande univers der det er vanleg å bli røva av ein ekte røvarbil. 

Siri Kolu er finsk og debuterer med boka Røversommer. Boka er omsett til norsk av Tor Tveite.

Dette er ei historie i fri form, forteljarstilen kan minne om både Roald Dahl og Astrid Lindgren. I denne drøymeverda er alt mogleg, opplevingane er både spanande, overraskande og fantasifulle. Med denne boka har forfattaren vunne både Finlandia Juniorprisen og Finsk Barnebokinstitutts Laivakello-prisen.

Her møter me ti år gamle Vilja som blir røva av familien Røverrud for å halde barna i famillien med selskap. Og Vilja har ei oppleving for livet, ho likar å køyre bil i kjempefart, stele godteri, flykte frå politiet, bade når ho vil og sove i telt. Kanskje var dette den perfekte sommarferien før det blir haust og skule igjen? 

Røversommer er den første i ein serie på tre bøker og passar best for borna mellom 7 og 11 år. Boka kjem ut på Mangschou.  

 

 

 

 

 

 

Stiftinga Pirion v/Svein Olav Langåker, Midthaugen 5, 5411 Stord. Telefon 94 87 53 65. Epost Denne e-postadressa er beskytta mot program som samlar e-postadresser. Du må aktivere javaskript for å kunne sjå den. Org.nr 983 173 276.  MELD DEG PÅ NYHENDEBREV HER!

Pirion får støtte av Fagforbundet og KLP gjennom Landssamanslutninga av nynorskkommunar. Utdanningsdirektoratet støttar òg Pirion.