Rørande vakkert om vennskap

Skrive av Svein Olav Langåker.

BOKMELDING: Strålande vakker og poetisk bok med korte forteljingar om vennskap.

 

Korleis får ein seg ein venn? I Ta 100 steg og få ein venn er me fluger på veggen i det magiske første møtet mellom små menneske. Erna Osland viser nok ein gong den sjeldne evna ho har til å skriva frå ståstaden til barn. Boka liknar poesi ved den effektive bruken av få setningar og ord som set lesaren i nye stemningar og lar oss bli kjend med dei ulike personane i kvar historie. Alt blir ikkje sagt rett ut, difor eignar boka seg godt som grunnlag for samtale med ungane.

Boka kan eigna seg for høgtlesing i småskulen eller eigenlesing frå mellomsteget. Skrifta er mellomstor, med korte, lettlesne setningar.

Eigentleg kan alle ha godt av å lesa boka. Alle treng venner – og både ungdom og vaksne kan ha godt å lesa om korleis ein kan skapa vennskap.

Stiftinga Pirion v/Svein Olav Langåker, Midthaugen 5, 5411 Stord. Telefon 94 87 53 65. Epost Denne e-postadressa er beskytta mot program som samlar e-postadresser. Du må aktivere javaskript for å kunne sjå den. Org.nr 983 173 276.  MELD DEG PÅ NYHENDEBREV HER!

Pirion får støtte av Fagforbundet og KLP gjennom Landssamanslutninga av nynorskkommunar. Utdanningsdirektoratet støttar òg Pirion.