En fisk til Luna

Skrive av Judith Sørhus Litlehamar.

En fisk til Luna av Lisa Aisato

Denne biletboka er både vakker og underfundig. Den skaper eit mystisk univers der overraskingane står i kø. Luna som ikkje får sove, oppdagar noko som svevar i lufta. Er det ein ballong? Ein fisk? Ein månefisk?

Denne litt rare historia om Luna og fisken som reiser land og strand før dei endeleg får sjå månen, tar opp einsemd som eit viktig tema. Det er både lengt etter venskap og mykje håp i boka. Fantasien og månefisken blir eit vart og fint bilete på kva vennskap eigentleg betyr for oss. Det er truleg noko både dei yngste og dei litt eldre lesarane kjenner seg igjen i.

Monsterbråk

Skrive av Judith Sørhus Litlehamar.

Framside Monsterbråk av Åslaug Jonsdottir, Kalle Güettler og Rakel Helmsdal

Dei tre forfattarane som står bak dei populære monster-bøkene er alle får ulike land; Helmsdal er frå Færøyane, Güettler er frå Sverige og Jónsdóttir er frå Island. Tove Bakke har gitt bøkene norsk språkdrakt.

Gjennom tidlegare utgåver der monstra har blitt mørkredde, fått monsterpest eller slite med å vise kjenslene sine, har me blitt godt kjende med Veslemonster og Storemonster. Monstra er gode vener, men likevel kan dei bli sinte på kvarandre. I denne boka kranglar dei om kva dei skal leike: medan Veslemonster helst vil hoppe paradis, vil Storemonster heller fiske. Men kva skjer når dei ikkje blir samde? Kva skjer når Veslemonster blir så sint at han slår til Storemonster, bestevennen sin? Kan dei klare å bli venner igjen?

Jakob og Neikob og det tomme rommet

Skrive av Judith Sørhus Litlehamar .

Jakob og Neikob og det tomme rommet

Kari Stai tek oss med inn i universet til Jakob og Neikob ein gong til. I denne tredje boka ynskjer Jakob og Neikob seg ein sambuar som kan bu i det skumle og tomme rommet på loftet. Men kva er ein sambuar? Som alltid kan kommunikasjonen by på utfordringar sidan Jakob seier ja til alt, og Neikob seier nei til alt.

Under ein stein

I denne boka møter me dei små dyra, dei du kanskje ikkje ser før du lar blikket gli langs bakken og løftar på ein stein. Her er livet til billene, edderkoppane og makkane.

Vennepåske/Klassetjuven

Kva gjer ein når nokon stel i klassen? Kvifor vil nokon gjere seg til tjuv? Og kva skjer når Emma blir veldig god veninne med den nye jenta i klassen, Amalie? Var det ikkje Hanna og Emma som skulle vere gode venner?

Sirkus Spetakkel

Vesle Ada er på landevegen med dei to rufsete sirkusonklane sine, Mikko og Rasmus.

Stiftinga Pirion v/Svein Olav Langåker, Midthaugen 5, 5411 Stord. Telefon 94 87 53 65. Epost Denne e-postadressa er beskytta mot program som samlar e-postadresser. Du må aktivere javaskript for å kunne sjå den. Org.nr 983 173 276.  MELD DEG PÅ NYHENDEBREV HER!

Pirion får støtte av Fagforbundet og KLP gjennom Landssamanslutninga av nynorskkommunar. Utdanningsdirektoratet støttar òg Pirion.